Razumny pistalet Biofire Smart Gun. Fota: Biofire
Amierykanskaja kampanija Biofire vynajšła i vypuściła ŭ kamiercyjnaje karystańnie pieršy ŭ śviecie «razumny» pistalet, jaki nie spracuje ŭ rukach čužoha čałavieka. Ab hetym kampanija 14 krasavika paviedamiła na svaim aficyjnym sajcie.
Pistalet pad nazvaj Biofire Smart Gun vałodaje padvojnaj sistemaj abarony dostupu: skanier adbitkaŭ palcaŭ i 3-D infračyrvony datčyk raspaznańnia tvaru. Kali karystalnik nie projdzie vieryfikacyju (jakaja adbyvajecca imhnienna), to zbroja nie budzie stralać.
U toj ža čas pistalet budzie imhnienna apaznavać svajho ŭładalnika, navat kali jon budzie ŭ palčatkach, mascy ci ŭ ciemry (ci ŭsio adrazu).
«Revalucyjnaja bijamietryčnaja sistema Guardian ad Biofire razbłakuje vaš Smart Gun u luboj situacyi. Našy sistemy identyfikacyi pa adbitkach palcaŭ i 3D-infračyrvonaje raspaznavańnie tvaraŭ niezaležna praviarajuć vašy bijamietryčnyja danyja, kab vaša ahniastrelnaja zbroja zaŭsiody mahła vas paznać, navat kali vy nadzieli palčatki, abo masku, abo ŭvohule znachodziciesia ŭ poŭnaj ciemry», — zajaŭlaje kampanija Biofire.
I jak zhadvałasia raniej, hetym pistaletam nie zmoža skarystacca starońni, bo zbroja pry stracie fizičnaha kantaktu z uładalnikam adrazu ž błakujecca. Heta, jak adznačaje kampanija, dazvolić paźbiehnuć niaščasnych vypadkaŭ, kali vašy siabry ci dzieci zachočuć tajemna pahulać ź pistaletam, albo kali, naprykład, złačyniec pry napadzie adbiare jaho ŭ vas.
Pry hetym zbrojaj možna dazvolić karystacca inšym davieranym ludziam, kali ŭnieści ich u śpis karystalnikaŭ.
«My raspracavali Biofire Smart Gun, kab vam nikoli nie prychodziłasia vybirać pamiž biaśpiečnym zachoŭvańniem i imhniennym dostupam. Zarehistrujcie niekalkich karystalnikaŭ, piersanalizujcie svaje nałady i zachoŭvajcie ich pad rukoj. Vaš razumny pistalet budzie stralać tolki ŭ rukach vybranych vami ludziej, tamu zbroja nikoli nie stanie pryčynaj trahičnaha vypadku ŭ rukach dziciaci, złačynca ci kaho-niebudź jašče», — adznačaje Biofire.
Źleva vialikim płanam adlustravany vyhlad «razumnaha» pistaleta z zadniaha boku (pa centry raźmieščany skanier adbitkaŭ ruki i palcaŭ, a źvierchu znachodzicca sistema raspaznańnia tvaru). A sprava — pieranosnaja stancyja dla padzaradki i ŭvodu naładak. Fota: Biofire
Biofire Smart Gun vykarystoŭvaje patrony 9 mm i dastupny ŭ viersijach dla levaj i pravaj ruki. Pistalet nie pryznačany dla kastamizacyi i dadavańnia naviesaŭ, ale ŭ im užo jość ubudavanyja łazierny pryceł i padśvietka (padrabiaznyja charaktarystyki «razumnaj» zbroi možna daviedacca tut).
Akramia taho, jon idzie ŭ kamplekcie sa śpiecyjalnym kampaktnym futarałam, jaki źjaŭlajecca adnačasova i stancyjaj dla padzaradki (sama batareja trymaje zarad miesiacami) i sistemaj uvodu naładak (tam možna ŭklučyć u śpis karystalnikaŭ siabie i, pa žadańni, inšych ludziej).
Pistalet ad Biofire nie pryznačany dla vajskoŭcaŭ, jon stvaraŭsia vyklučna dla patreb zvyčajnych hramadzian i ich samaabarony. Raspracoŭvajecca i pradajecca hetaja zbroja tolki ŭ ZŠA. Jaje košt składaje 1499 dalaraŭ (ci amal 3,8 tysiačy rubloŭ).
Čytajcie taksama:
Daśledčyki stvaryli akulary-sanary, jakija adsočvajuć ruchi tvaru dla biasšumnaj kamunikacyi
Hety rabatyzavany ekzaškilet zmoža zabiaśpiečyć čałavieku zvyščałaviečuju raŭnavahu
