Skrynšot efiru «Fiejhin Live»
Viadučy Mark Fiejhin zhadaŭ haračyja padziei apošnich dzion: vybuch na vajennym aeradromie ŭ Mačuliščach, nibyta abjaŭlenaha ŭ vyšuk dyviersanta i adnačasova hibiel na miažy ŭkrainskaha vajennasłužačaha z terytaryjalnaj abarony.
«Jak heta źviazana miž saboj?» — zadaje jon pytańnie.
«Nu heta biełaruskija partyzany, jany ŭziali adkaznaść na siabie, treba dumać, što heta jany», — kaža Arastovič.
«Jość biełarusy, jakija dapamahajuć voinam śvietu zmahacca suprać ciemry, paškodžvajučy vielmi darahija, vielmi klučavyja i vielmi sistemaŭtvaralnyja elemienty raźviedavalnych kompleksaŭ, skiravanych suprać Ukrainy. Heta vielmi surjoznaja pieramoha. Dziakuj biełaruskim partyzanam», — vykazaŭsia Arastovič.
Jon kaža, što Ukraina nie nanosić udary pa našaj krainie, bo Biełaruś vielmi važnaja dla zabieśpiačeńnia ŭkrainskaj biaśpieki. Heta budzie važna i kab zakładvać adnosiny z abnoŭlenaj Biełaruśsiu.
Arastovič miarkuje, što Łukašenka apasajecca ŭciahvać siabie całkam u vajnu.
«Šmat rytoryki, šmat vizitaŭ u Maskvu, šmat strašnych zajaŭ. Ale ŭdaraŭ z terytoryi Biełarusi [apošnim časam] niama. Heta najbolš važny faktar.
Tamu my nie bjom pa biełaruskaj terytoryi, ale dziejańniami biełaruskich partyzan my nie kirujem. I dziejańni partyzan nie skiravanyja suprać Biełarusi — jany pa akupacyjnych rasijskich vojskach. Heta zusim inšaja historyja. Biełaruś akupavanaja rasijanami», — vykazaŭsia Arastovič.
Adkaznaść za vybuchi na aeradromie ŭ Mačuliščach uziała na siabie inicyjatyva biełaruskich siłavikoŭ suprać dyktatury BYPOL. Jana śćviardžaje, što biełaruskija padpolščyki z dapamohaj dronaŭ vyvieli z ładu samalot dalokaj raźviedki koštam 330 miljonaŭ dalaraŭ.
«Žestačajšaj dyscypliny!» Łukašenka adčytaŭ kiraŭnictva siłavoha błoku. Chrenin siadzieŭ jak myła źjeŭšy
Rasijski samalot A-50 u Mačuliščach moža być surjozna paškodžany — pra heta śviedčyć adna detal
U Kramli admovilisia kamientavać ataku na rasijski samalot u Biełarusi
«Samym składanym była evakuacyja». Azaraŭ pra padrabiaznaści padryvu rasijskaha samalota ŭ Mačuliščach
Krasamoŭna. Što łukašenkaŭskija kanały napisali pra vybuchi ŭ Mačuliščach
