Foto: Lilija Hančaruk / «Suśpilnie»
Aleh Mudrak paŭhoda pravioŭ u rasijskim pałonie, a taksama pieražyŭ terakt u Alenaŭcy, dzie znachodziŭsia razam ź inšymi abaroncami «Azoŭstali». Jon abaraniaŭ Ukrainu ź pieršych dzion 2014 hoda.
«Jamu było ŭsiaho 35 hadoŭ, i napieradzie byŭ doŭhi šlach, ale, na žal, katavańni ŭ niavoli i źniasileńnie padarvali jaho mužnaje serca», — skazaŭ adzin ź jaho tavaryšaŭ.
Jon dadaŭ, što Aleh Mudrak umieŭ zmahacca, umieŭ siabravać i lubiŭ žyćcio.
«Jon pakinuŭ nas i pierajšoŭ u «niabiesny Azoŭ». Siabar «Suchar», my budziem ciabie pamiatać», — skazaŭ bajec.
Pra śmierć Aleha Mudraka 22 lutaha paviedamiŭ jaho plamieńnik Daniła.
U kancy žniŭnia minułaha hoda fota mocna schudniełaha ŭ pałonie Aleha Mudraka ablacieła internet. A ŭ kancy vieraśnia minułaha hoda Mudrak u liku inšych ukrainskich vajskoŭcaŭ byŭ vyzvaleny z pałonu.
