Fota: vecteezy
Jeŭrakamisija nastojliva rekamiendavała ŭsim svaim supracoŭnikam i aficyjnym asobam Jeŭrasajuza vydalić mabilnuju prahramu TikTok z usich słužbovych i asabistych pryład. Pra heta 23 lutaha paviedamiła vydańnie EurActiv sa spasyłkaj na IT-słužbu Jeŭrakamisii.
Stała viadoma, što supracoŭniki JEK u čaćvier ranicaj atrymali paviedamleńni, u jakich im rekamiendavali pazbavicca ad TikTok nie paźniej za 15 sakavika. U advarotnym vypadku supracoŭniki straciać dostup da pracoŭnaj elektronnaj pošty, słužbovaha Skype i inšych prahram, źviazanych z unutranaj infarmacyjaj JEK.
«Dla abarony ŭnutranaj infarmacyi i pavyšeńnia ŭzroŭniu kibierbiaśpieki Jeŭrakamisija vyrašyła prypynić pracu mabilnaj prahramy TikTok na słužbovych i asabistych pryładach, zarehistravanych u bazie danych JEK. Hetaja prahrama niasie patencyjnuju pahrozu kibierbiaśpiecy», — havorycca ŭ razasłanych paviedamleńniach.
Nahadajem, što raniej ułady Jeŭrasajuza papiaredžvali ab mahčymaj zabaronie TikTok u Jeŭropie z-za jaho nieadpaviednaści zakonam ES ab ličbavych pasłuhach. Pry hetym ZŠA ŭžo taksama zabaranili svaim dziaržsłužačym karystacca TikTok z-za pahrozy sačeńnia: kitajskaje kiraŭnictva moža mieć pramy dostup da ŭsich asabistych danych hetaj prahramy.
Čytajcie jašče:
Trendy TikTok: čamu ciapier na płatformie papularna ŭsio bežavaje i «estetyčnaje»?
Amierykanskija navukoŭcy prydumali, jak vizualna sačyć za ludźmi pa WiFi zamiest kamier. Akazvajecca, biełarusy prezientavali padobny mietad 6 hod tamu
Google raskazaŭ pra 12 niebiaśpiečnych prahram dla Android. Voś čamu ich treba vydalić zaraz ža
