Fota: Andriy Andriyenko / AP
Za apošnija try dni siły hrupy najmitaŭ «Vahnier» amal damahlisia novych nievialikich pośpiechaŭ na paŭnočnaj uskrainie Bachmuta, u tym liku ŭvajšli ŭ siało Krasnaja Hara.
Adnak ukrainskija siły praciahvajuć arhanizavanuju abaronu ŭ hetym rajonie. Taktyčnaje nastupleńnie rasijskich vojskaŭ na poŭdzień ad horada, vierahodna, nie pryviało da značnaha prahresu; Na poŭnačy, u siektary Kramiannaja — Svatava Łuhanskaj vobłaści rasijskija siły rabili sproby pačać nastupalnyja apieracyi, adnak hetyja nievialikija ataki nie pryviali da prykmietnych pośpiechaŭ.
Vierahodna, Rasija imkniecca adyhrać niekatoryja pośpiechi, dasiahnutyja ŭkrainskimi siłami ŭ vieraśni—listapadzie 2022 hoda, naprykład, isnuje realnaja mahčymaść taho, što ich najbližejšaj metaj źjaŭlajecca prasoŭvańnie na zachad da raki Žarabiec.
U cełym, biahučaja apieratyŭnaja situacyja śviedčyć pra toje, što rasijskija siły atrymlivajuć zahady prasoŭvacca ŭ bolšaści siektaraŭ, ale nie majuć dastatkovaj nastupalnaj bajavoj mocy na jakim-niebudź kirunku, kab dasiahnuć značnaha efiektu.
