Fota: 7days.ru
Kinarežysior źniaŭ filmy «Plumbum, abo Niebiaśpiečnaja hulnia», «Pjesa dla pasažyra», «Čas tancora», «Palavańnie na lisaŭ», «Armavir», «Parad płaniet», «Spyniŭsia ciahnik», «Spynicie Patapava!».
Adzin z samych viadomych filmaŭ Abdrašytava «Plumbum, abo Niebiaśpiečnaja hulnia» byŭ źniaty ŭ 1986 hodzie i ŭvajšoŭ u lik samych hučnych kinastužak pieryjadu pierabudovy. Jon raspaviadaje historyju školnika, jaki ŭstupaje ŭ apieratyŭny atrad, kab ačyścić horad ad złačyncaŭ i, jak skazana na sajcie «Maśfilma», «žyvie pa pryncypie «meta apraŭdvaje srodki», nahadvaje Bi-bi-si.
Abdrašytaŭ naradziŭsia 19 studzienia 1945 hoda ŭ Charkavie. U 1967 hodzie skončyŭ kafiedru kibiernietyki MCHTI imia Miendzialejeva, pracavaŭ na Maskoŭskim zavodzie elektravakuumnych pryboraŭ.
U 1970 hodzie pastupiŭ na režysiorski fakultet VHIKa, z 1986-ha pa 1990-y hod byŭ sakratarom praŭleńnia Sajuza kiniematahrafistaŭ SSSR.
Pryčynaj śmierci kinarežysiora stała ankałahičnaje zachvorvańnie.
