Fota ilustracyjnaje
Daśledčyki padličyli, što na momant poŭnamaštabnaha ŭvarvańnia Rasii va Ukrainu ŭ Rasii aktyŭna pracavali 2405 daččynych kampanij, jakija naležali 1404 kampanijam z krain ES i G7. Mienš za 9% ź ich vyvieli chacia b adnu dačku z rasijskaha rynku, kažuć ekśpierty.
Daśledavańnie pakazała, što amierykanskija kampanii bolš achvotna pakidali Rasiju, čym inšyja zachodnija firmy. Amal 18% amierykanskich daččynych kampanij, jakija pracujuć u Rasii, całkam spynili svaju dziejnaść paśla pačatku vajny — u paraŭnańni z 15% japonskich i tolki 8,3% jeŭrapiejskich.
Hetyja vysnovy staviać pad sumnieŭ hatoŭnaść zachodnich firmaŭ admovicca ad udziełu ŭ ekanomicy Rasii, jakuju ŭrady zachodnich krain ličać hieapalityčnym kankurentam, havorycca ŭ zajavie ŭniviersiteta Sankt-Halena.
