U śniežni palitźniavolenuju žycharku Pružanskaha rajona Juliju Łaptanovič pieraviali ŭ homielskuju žanočuju kałoniju № 4, paviedamlaje «Viasna». Hod tamu Juliju i jaje muža Ihara asudzili pa «spravie karahodaŭ». Ihara adpravili ŭ kałoniju, a žančynie prysudzili «chatniuju chimiju». Ale praź niekalki miesiacaŭ Juliju zatrymali pa novaj kryminalnaj spravie.
Hrodzienski abłasny sud 18 lipienia asudziŭ Juliju Łaptanovič pa šaści artykułach Kryminalnaha kodeksa da piaci hadoŭ kałonii. U kastryčniku Viarchoŭny sud skaraciŭ joj termin na try miesiacy — da čatyroch hadoŭ i dzieviaci miesiacaŭ źniavoleńnia, a taksama skaracili sumu štrafu amal na tysiaču rubloŭ.
Na voli Łaptanovičaŭ čakajuć troje dziaciej.
