Na mahčymaściach rasijskich sił mahli adbicca jak apisany Ministerstvam abarony Vialikabrytanii niedachop bojeprypasaŭ, tak i mierkavanyja bujnyja straty pryvatnaj vajennaj kampanii «Vahnier» u apošnija tydni, adznačajuć ekśpierty. Bieśpierapynny cisk Rasii na Bachmut, jaki patrabuje značnaha abjomu resursaŭ, moža padarvać zdolnaść RF dasiahać doŭhaterminovych metaŭ na danbaskim kirunku, miarkujuć analityki.
Jany padkreślivajuć, što viasnoj i letam rasijskija vojski kinuli značnyja resursy na zachop Sievieradaniecka i Lisičanska. Paźniej armii RF udałosia ŭstalavać kantrol nad hetymi haradami, adnak zacyklenaść na dasiahnieńni taktyčnych metaŭ pa ich zachopie ŭ vyniku padarvała zdolnaść dasiahnuć bolš bujnuju apieratyŭnuju metu — akružyć ukrainskija siły ŭzdoŭž trasy E40 i vyjści na zachodnija administracyjnyja miežy Danieckaj vobłaści, dadajuć ekśpierty ISW.
