«Meraki patłumačyła, što z 21 śniežnia karystalniki ŭ Rasii i Biełarusi nie zmohuć bačyć u asabistym kabiniecie kampanii svaje pryłady. Roŭtary i punkty dostupu, zatočanyja na pracu ŭ vobłaku, buduć zabłakavanyja na siervierach Meraki pa hieałakacyi i pierastanuć atrymlivać abnaŭleńni prašyŭki. Kampanija patłumačyła, što dziejničaje pavodle zakonaŭ ZŠA i vykonvaje ŭsie patrabavańni rehulataraŭ sumiesna z maciarynskaj kampanijaj Cisco», — havorycca ŭ paviedamleńni.
Resurs nahadaŭ, što Meraki, nabytaja ŭ 2012 hodzie Cisco, u kancy kastryčnika «ŭ adnabakovym paradku adklučyła rasijskich klijentaŭ ad vobłačnych pasłuh, zabłakavała tyja punkty dostupu, jakija pradadzienyja ŭ krainie, a taksama znachodziacca ŭ fizičnych asob i vyličanyja pa hieałakacyi».
Adnak paźniej rasijskim i biełaruskim karystalnikam viarnuli mahčymaść dostupu da vobłačnych pasłuh Cisco. Jak akazałasia, časova.
23 červienia Cisco vyrašyła całkam syści z Rasii i Biełarusi. Kampanija abjaviła, što zakryje ŭsie pradstaŭnictvy i spynić supracoŭnictva z klijentami i padtrymku. «Cisco spyniaje ŭsie dziełavyja apieracyi, u tym liku prodažy i akazańnie pasłuh u Rasii i Biełarusi na blizkuju budučyniu», — zajavili tady ŭ kampanii.
