Fota: Minabarony
U Bresckuju vobłaść, bližej da miažy z Ukrainaj, pierakidvajuć padraździaleńnie sił śpiecyjalnych apieracyj — 103-ju Viciebskuju asobnuju hvardziejskuju pavietrana-desantnuju bryhadu. U napramku Bresckaj vobłaści prosta ciapier nakiroŭvajecca bujny ešałon z technikaj hetaj bryhady, paviedamlaje «Biełaruski Hajun».
Pa minimalnych acenkach technika nastupnaja:
— BTR — minimalna 10 adzinak;
— MBTS «Kajman» — mininimalna try adzinki;
— MAZy, Urały — 25;
— bienzavozy — 2 adzinki;
— vahony pasažyrskija i hruzavyja.
Mienavita MBTS «Kajman» źjaŭlajecca charakternaj technikaj dla 103-j SSA, što dazvalaje kazać, što idzie pierakidka mienavita hetaha padraździaleńnia.
Takim čynam, jość padstavy mierkavać, piša «Biełaruski Hajun», što 103-ja Viciebskaja bryhada pryciahnutaja da raptoŭnaj pravierki bajavoj hatoŭnaści, pra jakuju Minabarony paviedamiła siońnia ranicaj.
Jość i inšyja varyjanty, ź jakoj metaj 103-ja bryhada pierakidvajecca ŭ Bresckuju vobłaść: heta moža być, da prykładu, ratacyja ich padraździaleńniaŭ u pamiežžy z Ukrainaj, ci bajavoje zładžvańnie z padraździaleńniami US RF, jakija ŭčora byli zaŭvažanyja ŭ Bresckaj vobłaści.
Jak paviedamlałasia raniej, pačaŭsia ruch z punkta pastajannaj dysłakacyi padraździaleńniaŭ 38-j asobnaj desantna-šturmavoj bryhady.
Paviedamlajecca ab ruchu kałony vajennaj techniki bryhady na paŭdniovy ŭschod ad Bresta, pa trasie R17 da horada Małaryta (ahraharadka Makrany).
U składzie kałony nie mienš za 25 BTR-80, kala 30 hruzavikoŭ MAZ z asabovym składam i majomaściu, 3 aŭtamabili MZKC «Vołat» 120-mm minamioty 2b23 «Nona-M1», 2 palivazapraŭščyki, kamandna-štabnaja mašyna R-145bm, 2 mašyny suviazi, nie mienš za 5 mašyn pamiežnaj słužby Biełarusi, mašyna chutkaj dapamohi i 2 palavyja kuchni, paviedamlaje «Biełaruski Hajun».
