Uładam niamieckaha horada Majnc daviałosia papracavać, adklejvajučy čarhovaha ekaaktyvista ad darožnaha pakryćcia na adnoj z centralnych tras: vykarystanaja kiemlivym pradstaŭnikom «zialonych» sumieś nie paddavałasia nijakim rastvaralnikam.
Člen Letzte Generation, niamieckaj viersii klimatyčnaha ruchu Just Stop Oil, padyšoŭ z dušoj da viadomaha sposabu pratestu — pryklejvańnia siabie da asfaltu: małady čałaviek źmiašaŭ supierklej ź piaskom i prykleiŭ svaju ruku da asfaltu na adnoj z vulic horada.
Sproba ekaaktyvista akazałasia paśpiachovaj — atrymanaja sumieś nie paddałasia nivodnamu ź viadomych rastvaralnikaŭ.
Tady ratavalniki i darožnyja rabočyja źviarnulisia da radykalnaha sposabu vyzvaleńnia — jany prosta vyrazali kavałak asfaltu vakoł ruki mužčyny i adpravili ekaaktyvista dadomu z kavałkam asfalta na kiści ruki.
Pa słovach vidavočcaŭ, zatrymlivać parušalnika hramadskaha paradku nie stali. Mahčyma z toj pryčyny, što padpisać pratakoł ab pravaparušeńni jamu było fizična niama čym. Apošni raz mužčynu bačyli sumnym u budynku niepadalok ad miesca zdareńnia.
