Ivan Tyščanka. Fota: sacsietki
Minčuku Ivanu Tyščanku 35 hadoŭ. Jon pradprymalnik, vałodaje internet-kramaj. Mužčyna adnym ź pieršych vyrabiŭ hadzińniki z Pahoniaj, jakija aficyjna zamoviŭ na zavodzie «Łuč». Tady jon kazaŭ:
«Mahčyma, u hetym jość peŭnaja ryzyka dla mianie jak dla biznesoŭca… Ja liču: bajučysia vaŭka, u les nie iści. Ludzi ŭ nas cikaviacca svajoj historyjaj, i biznes pavinien heta padtrymlivać».
U videa zatrymańnia siłaviki spačatku pakazvajuć fota aŭtamabila mužčyny z prymacavanym da jaho tapkam. Paviedamlajecca, što na tapku napisana «Stop tarakan». Mahčyma, fota było zroblenaje nie siłavikami, a niekim z susiedziaŭ mužčyny — byccam niechta padyšoŭ zzadu.
Mašyna z tapkam
U videa taksama pryviedzienaje fota, dzie Ivan udzielničaje ŭ adnym ź niadzielnych maršaŭ. Paśla pakazvajecca byccam by śviedčańnie ŭdziełu ŭ płanie «Pieramoha» ŭ vyhladzie adpraŭlenaha ŭ ban telehrama bota (choć niezrazumieła, što heta za bot, ci sapraŭdny jon i ci nie siłaviki sami jaho tudy adpravili).
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie jašče:
Jak pačyścić telehram-boty, kab nie zastałosia nijakich śladoŭ VIDEA
Jak nadziejna vyčyścić foty z vašych smartfonaŭ — padrabiazny hajd
