Fota: AP
Pra heta piša telehram-kanał «Možiem objaśniť» sa spasyłkaj na try nie źviazanyja pamiž saboj krynicy ŭ vajenkamatach roznych rehijonaŭ.
Pa źviestkach surazmoŭcaŭ kanała, pradpisańni pačać uzmocnienuju pracu pa mabilizacyi na vajnu va Ukrainie vajenkamaty ŭ rehijonach atrymali ad Minabarony. Aficyjna abjaŭlać mabilizacyju ŭłady nie płanujuć.
Krynica ŭ pieciarburhskim kamisaryjacie raspaviała kanału, što vajenkamaty papiaredzili ab tym, što «budzie šmat pracy ŭ studzieni, lutym». Krynica ŭ maskoŭskim kamisaryjacie dadała, što supracoŭnikaŭ abaviazali «pierahledzieć spravy pryzyŭnikoŭ i kantraktnikaŭ dla adpraŭki im pozvaŭ i pryciahnieńnia da mabilizacyi».
«Što rabić — niezrazumieła. Aficyjna mabilizacyju tak i nie skončyli, a ciapier usio pierakłali na rehijony. Ale kali raptam zdaracca pamyłki (a jany abaviazkova buduć), to adkazvać buduć šarahovyja supracoŭniki vajenkamataŭ i ich načalniki», — patłumačyła krynica ŭ vajenkamacie adnaho z rehijonaŭ na paŭnočnym zachadzie.