«Tumso byŭ rasstralany nočču hrupaj asob, i na ciapierašni momant vyśviatlajucca detali zabojstva», — zajavili ŭ 1adat. Tam nie pryviali inšych padrabiaznaściaŭ, ale adznačyli, što śpiecsłužby schavali brata Tumso Abdurachmanava.
«Radyjo Svaboda» paviedamiła, što, pa danych paplečnikaŭ Abdurachmanava, jon byŭ zabity ŭ noč na 2 śniežnia. Vydańnie nie pryvodzić inšych padrabiaznaściaŭ. Šviedskija pravaachoŭnyja orhany pakul heta nie kamientavali.
U pieršych čysłach śniežnia Tumso Abdurachmanaŭ pierastaŭ vychodzić na suviaź. Pravaabaroncy zajavili, što jon prapaŭ. Užo tady źjavilisia paviedamleńni, što błohiera mahli zabić, ale na toj momant heta nie paćvierdziłasia.
Abdurachmanaŭ u 2015 hodzie źjechaŭ z Rasii paśla taho, jak u jaho adbyŭsia kanflikt sa svajakami kiraŭnika Čačni Ramzana Kadyrava. Jon atrymaŭ status palityčnaha ŭciekača ŭ Šviecyi. U Čačni Abdurachmanava abvinavačvajuć u suviaziach z «Isłamskaj dziaržavaj». Na jaho ŭžo rabili zamachi. U śniežni 2021 hoda Abdurachmanaŭ paviedamiŭ, što ŭ Čačni vykrali dzieviać jaho svajakoŭ.
