Krys Vu, fota AP
Akruhovy sud Čaajan u Piekinie zajaviŭ u piatnicu, što Vu budzie adbyvać 11 hadoŭ i šeść miesiacaŭ za zhvałtavańnie troch žančyn, jakija adbylisia ŭ jaho domie ŭ 2020 hodzie, i, pa vyznačeńni suda, kali achviary byli pjanyja, nie razumieli, što adbyvajecca, ci nie mahli supraciŭlacca.
Jon taksama atrymaŭ termin u adzin hod i 10 miesiacaŭ za «zbor kampanii dla ździajśnieńnia seksu», dadaŭ sud.
Pieršaj, chto abvinavaciŭ Vu, była studentka Du Mejčžu, jakaja letaś napisała ŭ sacyjalnych sietkach, što paznajomiłasia z Vu dvuma hadami raniej, kali joj było 17 hadoŭ.
Jana skazała, što jaje zaprasili na viečarynku ŭ jaho dom, dzie jaje prymusili vypić ałkahol, a na nastupny dzień jana pračnułasia ŭ jaho łožku.
Krys Vu adchiliŭ hetyja abvinavačvańni, ale zatym jašče jak minimum 24 žančyny abvinavacili jaho ŭ drapiežnickich pavodzinach. Jaho abvinavacili ŭ tym, što jon z peŭnymi metami zavablivaŭ žančyn na pjanki-viečarynki z karaokie.
Znakamitaści taksama pahražaje štraf 600 młn juaniaŭ (bolš za 83 młn dalaraŭ) za ŭchileńnie ad vypłaty padatkaŭ. Dziaržaŭnaje infarmacyjnaje ahienctva Sińchua zajaviła, što jon vykarystaŭ fiktyŭny biznes, kab pakazvać łžyvyja dekłaracyi ab svaich dachodach pa ŭsim śviecie.
Krys Vu (sapraŭdnaje imia Vu I Fań), jaki naradziŭsia ŭ Kitai, ale maje kanadskaje hramadzianstva, u 2010-ch prasłaviŭsia jak udzielnik boj-benda ŭ styli Kiej-pop «EXO».
Jon staŭ adnoj z najbujniejšych znakamitaściaŭ Kitaja, zrabiŭšy bliskučuju solnuju karjeru — jak śpiavak, akcior, madel i sudździa na tvorčych konkursach.
Ale z-za sudovaha razboru mnohija ad jaho adviarnulisia, u tym liku rekłamadaŭcy — takija brendy, jak Louis Vuitton, Bulgari, L'oreal Men i Porsche.
