Spravu razhladała sudździa Viktoryja Šabunia.
Michaiła Tarasieviča mierkavana zatrymali 30 žniŭnia 2022 hoda, da suda jon utrymlivaŭsia ŭ SIZA №1 Minska.
Byŭ abvinavačany pa šaści artykułach Kryminalnaha kodeksa:
— art. 391 — abraza sudździ abo narodnaha zasiadaciela;
— art. 369 — abraza pradstaŭnika ŭłady;
— č. 1 art. 368 — abraza prezidenta Respubliki Biełaruś;
—č. 1 art. 366 — hvałt albo pahroza hvałtu ŭ dačynieńni da słužbovaj asoby, jakaja vykonvaje słužbovyja abaviazki;
— art. 364 — hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ;
— č. 2 art. 366 — hvałt albo pahroza hvałtu ŭ dačynieńni da słužbovaj asoby, jakaja vykonvaje słužbovyja abaviazki, ździejśnienyja paŭtorna.
Sudovy praces pačaŭsia 22 listapada i zaviaršyŭsia abvinavaŭčym prysudam — pa sukupnaści abvinavačańniaŭ sudździa Viktoryja Šabunia kančatkova pryznačyła Tarasieviču pazbaŭleńnie voli terminam na šeść hadoŭ ŭ kałonii va ŭmovach uzmocnienaha režymu.
Taksama jon pavinien vypłacić kampiensacyi maralnaj škody paciarpiełym i ŭron, naniesieny spynieńniem hramadskaha transpartu, u pamiery 49 tysiač rubloŭ.