Ajca Vitalija ŭžo zatrymlivali ŭ listapadzie 2020 hoda. Tady jon atrymaŭ 10 sutak aryštu pavodle art. 23.34 KaAP. Salidarnaść ź im vykazvaŭ biskup Juryj Kasabucki, jaki zaachvociŭ da publičnaj malitvy «ŭ kožnym kaściole i kožnaj kaplicy». Pres-słužba kuryi Apostalskaha Vizitatara dla hreka-katalikoŭ Biełarusi ŭ aficyjnaj zajavie nie ŭbačyła «subjektyŭnaha składu pravaparušeńnia ŭ dziejańniach a. Vitala Bystrova».
Hetaje zatrymańnie ŭkładajecca ŭ ahulnuju kanvu represij suprać dziejačaŭ hreka-katalickaj carkvy na Brestčynie. Niadaŭna byli zatrymanyja i adbyli administracyjnyja aryšty ŭ 10 i 13 sutak śviatar Ihar Kandraćjeŭ z Bresta i redaktar haziety «Carkva» Ihar Baranoŭski.
