«Sistema akcyj i rasprodažaŭ nie rehulujecca pastanovaj urada №713 «Ab sistemie rehulavańnia cen». Nijakich vyklučeńniaŭ nie praduhledžana. Subjekty handlu buduć pracavać u ramkach tych nadbavak, jakija paznačanyja ŭ pastanovie. U vypadku, kali ŭ ich budzie mahčymaść dla akcyj i rasprodažaŭ sumiesna z vytvorcam, to jany majuć prava ich pravodzić», — skazaŭ Ivan Viežnaviec.
Jak paviedamlałasia, Łukašenka pa vynikach narady ab cenavaj situacyi ŭ krainie padpisaŭ dyrektyvu №10 «Ab niedapuščalnaści rostu cenaŭ». Zatym urad pastanovaj №713 uvioŭ rehulavańnie cen na tavary spažyvieckaha košyka. Učora hety dakumient byŭ skarekciravany z ulikam praktyki prymianieńnia i pastupiŭšych zvarotaŭ.