Pavodle SK, połk abjadnoŭvaje «najbolš zaŭziatych pradstaŭnikoŭ «radykalnaha miru», a taksama asob, jakija chavajucca ad kryminalnaha pieraśledu za ździajśnieńnie roznych złačynstvaŭ».
«Hetyja farmavańni stvoranyja z metaj akazańnia ŭzbrojenaha supraciŭleńnia pry praviadzieńni śpiecyjalnaj vajennaj apieracyi i dla nastupnaha ŭzbrojenaha zachopu ŭłady ŭ Respublicy Biełaruś», — piša SK.
Kryminalnyja spravy, pavodle SK, taksama raspačatyja ŭ dačynieńni da «aktyŭnych udzielnikaŭ radykalnych jačejek na terytoryi Biełarusi, jakija rabili sproby ŭvachodžańnia ŭ skład «bataljona» i tych, chto «kanśpiratyŭna ažyćciaŭlaŭ złačynnuju dziejnaść pa ŭkazańni kiraŭnikoŭ nieafašysckaj hrupoŭki», — nie škaduje jarłykoŭ SK.