Fota: avtocod.ru
Za pieršy miesiac vosieni ŭ krainie pradali ŭsiaho 374 novyja aŭtamabili, abo na 90,4% mienš, čym u hety ž čas 2021-ha. U žniŭni ŭ dyleraŭ atrymałasia pradać 542 mašyny.
U asacyjacyi pry hetym adznačajuć, što havorka idzie tolki pra aficyjnyja prodažy. U toj ža čas na fonie sankcyj i pastupovaha sychodu z rynku abo časovaha zamarožvańnia dziejnaści niekatorych kampanij niamała novych aŭto zakuplajuć užo pa inšych kanałach i pryvoziać u krainu z uskładnienaj łahistykaj. I realny abjom hetaha rynku moža być u dva-try razy vyšejšy.
Ekśpierty adznačajuć, što ŭ toj ža čas na rynku vyrasła kolkaść pasrednikaŭ, jakija hatovyja pryvieźci jak aŭtamabil z prabieham, tak i amal novy. Pry hetym na darohach usio bolš aŭtamabilaŭ kitajskich brendaŭ abo madelaŭ, jakija raniej nie pradavali aficyjnyja dylery, heta značyć, jany pryznačanyja dla inšych rynkaŭ. Bolš stanovicca i elektrakaraŭ, jakich pakul niama ŭ kanałach aficyjnych pastavak.
U asacyjacyi padličyli, što z pačatku leta lidarami prodažaŭ na biełaruskim rynku zastajucca aŭtamabili Geely. U vieraśni pradadziena 115 mašyn hetaha brenda. U toj ža čas sa studzienia pa vierasień samaj papularnaj stała LADA, z pačatku hoda pradadzienyja 3573 aŭtamabili.
Analityki prahnazujuć, što prodažy ŭ pieršym i druhim paŭhodździach buduć adroźnivacca ŭ razy, bo skłałasia ŭnikalnaja situacyja: struktura rynku pa markach ciapier zaležyć nie stolki ad popytu, kolki ad najaŭnaści i prapanovy.
Čytajcie taksama:
Aŭtamabilny rynak Biełarusi skaraciŭsia na 83,9%
