Jaje atrymali Alen Aspe, Džon Kłaŭzier i Anton Cajlinhier za «ekśpierymienty sa zbłytanymi fatonami, vyjaŭleńnie parušeńnia niaroŭnaści Beła i navatarstva ŭ kvantavaj infarmatycy».
Tak zvany Nobieleŭski tydzień tradycyjna prachodzić u Stakholmie na pačatku kastryčnika. Premija pa fizicy — druhaja z tych, jakija ŭručajucca.
U pieršy dzień stanoviacca viadomyja łaŭreaty ŭ halinie miedycyny i fizijałohii. U hetym hodzie premiju ŭ hetaj śfiery atrymaŭ adzin čałaviek — šviedski hienietyk Svante Paaba za daśledavańni hienomaŭ vymierłych haminidaŭ i evalucyi čałavieka.
Zatym iduć uručeńni ŭ halinie fiziki, chimii, litaratury, i ŭ zaviaršeńni tydnia abjaŭlajecca łaŭreat Nobieleŭskaj premii miru, im moža stać nie tolki fizičnaja asoba, ale i cełaja arhanizacyja. Heta adzinaja premija, jakaja prysudžajecca nie Šviedskaj, a Narviežskaj Akademijaj navuk.
