Spravu žurnalista razhladaje sudździa Śviatłana Bandarenka. Mienavita hetaja sudździa adpraviła za kraty žurnalistku TUT.by Kaciarynu Barysievič za materyjał pra śmierć Ramana Bandarenki.
Siarhieja Sacuka zatrymali 8 śniežnia 2021 hoda paśla pieratrusu i dopytu ŭ Śledčym kamitecie.
Žurnalista vinavaciać pa troch artykułach Kryminalnaha kodeksa: č. 2 art. 430 (atrymańnie chabaru), č. 2 art. 130 (raspalvańnie inšaj sacyjalnaj varožaści), č. 2 art. 426 (pieravyšeńnie ŭłady albo słužbovych paŭnamoctvaŭ).
Raniej, 25 sakavika 2020 hoda, Siarhieja Sacuka ŭžo zatrymlivali pa hetaj ža spravie. 26 sakavika 2020 h. jamu była abranaja miera strymańnia ŭ vyhladzie ŭziaćcia pad vartu. 26 i 27 sakavika byli praviedzienyja pieratrusy ŭ ofisie «Ježiednievnika» i doma ŭ Sacuka.
4 krasavika 2020 h. Hienieralny prakuror Biełarusi admianiŭ rašeńnie ab uziaćci pad vartu Siarhieja.
