«Budzie ŭzmocnieny tolki ŭzrovień hatoŭnaści tych słužb, jakija adkazvajuć za biaśpieku žycharoŭ krainy. Słužby kantrolu za miežami z Rasijaj i Biełaruśsiu taksama zastanucca ŭ stanie pavyšanaj hatoŭnaści. Nie źmienicca ni paradak vydačy viz hramadzianam Rasii, ni praviły ich propusku na terytoryju krainy.
Častkovaja mabilizacyja aŭtamatyčna nie budzie źjaŭlacca pryčynaj vydavać hramadzianam Rasii status uciekačoŭ. Kožny vypadak budzie aceńvacca indyvidualna z metaj zabiaśpiečyć nacyjanalnuju biaśpieku Litvy i pakinuć dźviery adčynienymi dla pradstaŭnikoŭ hramadzianskaj supolnaści i apazicyi.
Dalej buduć praciahvacca kansultacyi z rehijanalnymi partniorami, taksama jak i na ŭzroŭni Jeŭrasajuzu, nakont situacyi z mabilizacyjaj i adpaviednaj reakcyjaj na jaje», — havorycca ŭ zajavie ministarki.
