U Minsku zatrymany 21-hadovy žychar Kapylskaha rajona, jaki padazrajecca, jak pieradaje «Biełaruś 1», u cełym šerahu epizodaŭ ź niezakonnaj zdačaj žylla ŭ arendu.
Pavodle viersii śledčych orhanaŭ, małady čałaviek na niekalki dzion źniaŭ u Minsku kvateru, paśla čaho ŭ internecie raźmiaściŭ abjavu ab jaje zdačy, ale ŭžo na praciahły termin.
Z usich patencyjnych klijentaŭ pradprymalny junak braŭ avans, a zasialić na žyłpłošču abiacaŭ litaralna ŭ bližejšyja dni. Achviary padmanu nie pytalisia dakumientaŭ na kvateru, dahavor taksama nie składaŭsia. Paviedamlajecca, što schiema była rabočaj usiaho kala dvuch dzion: na vudu afierysta trapiłasia jak minimum vosiem čałaviek, bolšaść ź jakich — studenty staličnych VNU, jakija pryjechali na vučobu.
Ahulnaja suma škody skłała bolš za try tysiačy rubloŭ.
