Pradstaŭnik Kramla dadaŭ, što adnosiny Maskvy i Tehierana dynamična raźvivajucca i buduć raźvivacca dalej.
Raniej The Washington Post sa spasyłkaj na nienazvanych amierykanskich čynoŭnikaŭ paviedamiła, što rasijskija hruzavyja samaloty zabrali pieršuju partyju bieśpiłotnikaŭ iranskaj vytvorčaści.
Pavodle danych amierykanskaj raźviedki, samaloty z dronami vylecieli ź Irana 19 žniŭnia. Havorka idzie jak minimum pra dva typy bieśpiłotnikaŭ, abodva zdolnyja nieści bojeprypasy dla napadaŭ na artyleryju i inšyja vajskovyja celi, piša hazieta.
Pry hetym WP adznačaje, što, pa słovach supracoŭnikaŭ słužby biaśpieki ZŠA i družalubnych im krain, pieradača dronaŭ «była azmročanaja techničnymi prablemami». Pa ich słovach, padčas pieršych vyprabavańniaŭ, praviedzienych Rasijaj, u pracy iranskich bieśpiłotnikaŭ adbylisia zboi.
«U sistemie jość niekalki pamyłak. Rasijanie zastalisia niezadavolenyja», — skazała krynica vydańnia.
