Padobnaja taktyka parušaje mižnarodnaje humanitarnaje prava, pakolki pieratvaraje cyvilnyja abjekty ŭ vajennyja celi. U vyniku rasijskich udaraŭ pa nasielenych punktach hinuć mirnyja žychary i razburajecca cyvilnaja infrastruktura, adznačaje arhanizacyja.
U pieryjad z krasavika pa lipień ekśpierty Amnesty niekalki tydniaŭ analizavali rasijskija ŭdary pa Charkaŭskaj i Mikałajeŭskaj abłaściach i ŭ Danbasie. Jany ahladali miescy ŭdaraŭ, apytvali tych, chto vyžyŭ, śviedak i svajakoŭ achviar atak, a taksama vyvučali spadarožnikavyja zdymki.
Padčas rasśledavańnia Amnesty vyjaviła dokazy taho, što ŭkrainskija vojski nanosili ŭdary z žyłych kvartałaŭ, a taksama znachodzilisia ŭ cyvilnych abjektach u 19 haradach i siołach hetych rehijonaŭ.
Bolšaść žyłych rajonaŭ, dzie raźmiaščalisia vojski, znachodziłasia daloka ad linii frontu, i ŭ vajskoŭcaŭ byli alternatyvy, jakija nie padviarhali b niebiaśpiecy mirnaje nasielnictva, havorycca ŭ dakładzie.
Pry hetym u Amnesty adznačajuć, što nie ŭsie rasijskija napady adpaviadali hetaj schiemie. U niekatorych vypadkach, jakija arhanizacyja pryznała vajennymi złačynstvami Rasii, ekśpierty nie znajšli dokazaŭ taho, što ŭkrainskija vojski znachodzilisia na terytoryi cyvilnych abjektaŭ.
Amnesty adznačaje, što praktyka ŭkrainskich vajskoŭcaŭ pa raźmiaščeńni vajskovych abjektaŭ u miežach nasielenych punktaŭ nijakim čynam nie apraŭdvaje nievybaračnyja rasijskija napady, u tym liku z vykarystańniem zabaronienych mižnarodnaj supolnaściu bojeprypasaŭ.
