Vadzim Hihin. Fota spektr.by

Vadzim Hihin. Fota spektr.by

«Uspomnicie, pa Minskich pahadnieńniach Danbasu pavinny byli dać asablivyja paŭnamoctvy. Admovili. A palakam zaraz pa novym zakonie ich dajuć. Heta značyć, svaim hramadzianam, jakija chacieli zrabić jašče adnu sprobu zachavać adzinstva Ukrainy, u hetym admovili, a tym, chto znachodzicca za miažoj i z kim histaryčnyja adnosiny, miakka kažučy, vielmi składanyja va ŭkraincaŭ, im hety status dajuć. Heta lišni raz pakazvaje, na jakim šlachu znachodzicca ciapierašni kijeŭski režym», — kaža Hihin.

U svajoj pramovie Hihin zmaniŭ, pastaviŭšy ŭ adzin šerah Minskija pahadnieńni i novy ŭkrainski zakon ab statusie palakaŭ. Paraŭnaŭ zialonaje ź ciopłym.

Minskija pahadnieńni ŭźnikli jak dakumienty pa spynieńni ahniu, u ich byli prapisanyja pryncypy ŭrehulavańnia kanfliktu na ŭschodzie Ukrainy. Praduhledžvałasia, što ahoń spynicca, adbuducca miascovyja vybary (pa ŭkrainskich zakonach), praviaduć amnistyju, na tych terytoryjach budzie stvoranaja asobnaja narodnaja milicyja, a Ukraina adnović kantrol nad rasijska-ŭkrainskaj miažoj. 

Niahledziačy na krytyku častki hramadstva, ukrainskaje kiraŭnictva ŭvieś čas adznačała, što vystupaje vyklučna za mirnaje vyrašeńnie kanfliktu, i što alternatyŭ «Minsku» niama. Va Ukrainie byŭ pryniaty zakon «Pra asablivy paradak miascovaha samakiravańnia» (i jon, darečy, dahetul dziejničaje). Takim čynam, palityčnaja častka pahadnieńnia z ukrainskaha boku była vykananaja.

A voś pytańnie biaśpieki vyrašanaje nie było. Rasija tak i nie dazvoliła Ukrainie viarnuć kantrol nad miažoj pamiž kvazirespublikami i Rasijaj, nie byŭ zabiaśpiečany dostup dla ŭkrainskich ŚMI i palityčnych partyj na terytoryju tak zvanych «ŁNR» i «DNR». Biez hetaha ŭsiaho nijakija vybary i reintehracyja terytoryj byli niemahčymyja.

Akramia taho, Rasija chacieła, kab danieckija kvazidziaržaŭnyja ŭtvareńni mieli prava vieta na zamiežnapalityčnyja kroki Ukrainy, ale jakaja suvierennaja kraina takoje prymie? Ujavicie sabie, kab rasijskija vojski zaniali Oršu i zapatrabavali, kab Aršanski vykankam mieŭ prava vieta na zamiežnapalityčnyja rašeńni ŭsioj Biełarusi.

22 lutaha 2022 hoda Pucin zajaviŭ, što paśla pryznańnia Rasijaj Danieckaj i Łuhanskaj «narodnych respublik» Minskich pahadnieńniaŭ bolš nie isnuje. Takim čynam, heta Rasija admoviłasia ad palityčnaha šlachu vyrašeńnia kanfliktu.

A voś zakon dla palakaŭ, pra jaki kaža Hihin, zusim pra inšaje.

Pavodle jaho, hramadzianie Polščy i ich dzieci zmohuć lehalna žyć i pracavać va Ukrainie na praciahu 18 miesiacaŭ, a taksama:

  • vieści biznes,
  • navučacca ŭ adukacyjnych ustanovach,
  • atrymlivać miedycynskaje absłuhoŭvańnie naroŭni z ukrainskimi hramadzianami,
  • atrymlivać asobnyja sacyjalnyja vypłaty ŭ adpaviednaści z zakanadaŭstvam Ukrainy,
  • navukoŭcy i piedahohi zmohuć pracavać u VNU,
  • miedycynskija rabotniki — pracavać u miedycynskich ustanovach.

Ničoha ekskluziŭnaha i ŭnikalnaha na fonie inšych hramadzian Ukrainy.

Hety zakon prapanavany ŭ adkaz na pryniaćcie Polščaj Zakona ad 12 sakavika 2022 hoda ab dapamozie hramadzianam Ukrainy ŭ suviazi z uzbrojenym kanfliktam, jaki pačaŭsia 24 lutaha 2022 hoda. Takim čynam,

heta simvaličny zakon, pryniaty ŭ pieršuju čarhu dla taho, kab uraŭnavać u pravach hramadzian Polščy va Ukrainie z mahčymaściami hramadzian Ukrainy ŭ Polščy, a nie niejki «asablivy status». Inšaja reč, što ŭkraincaŭ u Polščy pracuje šmat, a palakaŭ va Ukrainie — adzinki, bo zarobki tam nižejšyja. Ale ŭkraincy ŭ Polščy majuć absalutna tyja ž pravy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?