Fota: AP
Čakajecca, što nastupnym krokam Uładzimira Pucina budzie nastupleńnie na Danieckuju vobłaść, zachop jakoj budzie aznačać zachop usiaho Danbasa, dzie z 2014 hoda znachodziacca sieparatysckija prarasijskija hrupoŭki.
Ale kali i jak heta adbudziecca, pakul niezrazumieła. U toj čas jak Rasija praciahvaje intensiŭnyja avijaŭdary, rasijskija suchaputnyja vojski znachodziacca ŭ siaredzinie apieratyŭnaj paŭzy.
Heta moža dać ukrainskaj armii čas dla padrychtoŭki da abarony tych častak Danieckaj vobłaści, jakija jana ŭsio jašče ŭtrymlivaje. Taksama zachoŭvajecca vierahodnaść kontrnastupleńnia Kijeva ŭ inšych častkach krainy, u tym liku ŭ Chiersonie.
Nastupnaja faza poŭnamaštabnych bajavych dziejańniaŭ, kali jana pačniecca, moža akazacca nie apošniaj, piša CNN, ale jana moža vyznačyć budučyniu centralnaha rehijona Ukrainy — i, na dumku analitykaŭ, u značnaj stupieni vyznačyć vyniki vajny.
I daloka nie fakt, što Pucin spynić jaje, kali jamu ŭdasca zachapić uvieś Danbas, adznačajuć ekśpierty.
