Zdymak ilustracyjny. Fota: Vikipiedyja
Pavodle materyjałaŭ śledstva, adnojčy viečaram abvinavačany znachodziŭsia ŭ haściach u svajho siabra na vulicy Paŭliny Miadziołki. Kali siarod nočy ŭ siabroŭ skončyłasia piva, jany pajšli nabyć dabaŭki na AZS niepadalok.
Kali siabry vychodzili z padjezda, jany pabačyli pryparkavany milicejski «UAZ». Milicyjaniery jakraz pryjechali pa vykliku miascovych žycharoŭ, jakim zaminali šumnyja susiedzi.
Adzin z mužčyn vyrašyŭ spravić małuju patrebu na piaredniaje koła słužbovaj mašyny i za hetaj spravaj byŭ zaśpiety dy zatrymany. Pakolki mašyna była milicejskaja, to ŭ dačynieńni da jaho raspačali kryminalnuju spravu.
Čałavieku vystaŭlena abvinavačańnie ŭ «naŭmysnych dziejańniach, jakija hruba parušajuć hramadski paradak i vykazvajuć vidavočnuju niepavahu da hramadstva, jakija adroźnivajucca pa svaim źmieście vyklučnym cynizmam (chulihanstva)». Pa č. 1 art. 339 Kryminalnaha kodeksa jamu moža pahražać pakarańnie až da troch hadoŭ pazbaŭleńnia voli. Pakul što jon znachodzicca pad paručalnictva.