«Paśla vychadu repartažu vajennaha karespandenta «Iźviestij» Valancina Trušnina 30 červienia 2022 hoda pazicyi vajskoŭcaŭ byli abstralanyja ciažkaj artyleryjaj USU. Heta adbyłosia ŭ vyniku rassakrečvańnia ŭ videamateryjale miesca bazavańnia vajennaj techniki i asabovaha składu 1 uzvoda», — napisali maci.
Jany raskazali, što piać vajennasłužačych zahinuli, jašče troje atrymali ranieńni i ciapier znachodziacca ŭ ciažkim stanie ŭ Pieršym vajennym špitali Daniecka.
Žančyny paprasili «Kamitet sałdackich maci Rasii» dapamahčy ŭ arhanizacyi aficyjnaha zvarotu da ministra abarony Siarhieja Šajhu z patrabavańniem zabaranić dostup vajennych karespandentaŭ na front.
U repartažy, apublikavanym na sajcie «Iźviestij» 30 červienia, vajenny karespandent pakazvaje ŭdary «tankavaj karusieli US RF pa pazicyjach USU ŭ DNR». Na videa jość kadry miascovaści, źniatyja z drona, piša «Novaja hazieta. Jevropa».