Sałat z harošku, bulby, morkvy i majanezu padajuć u mnohich ispanskich restaranach, ale na samicie, na jakim Rasija, jak čakajecca, budzie nazvanaja pahrozaj biaśpieki ŭ novaj stratehičnaj kancepcyi aljansu, «Ruski sałat» vyklikaŭ ździŭleńnie.
Zrešty, u mieniu samita, akramia sałata, jość i kudy bolš surjoznyja rečy: jak zajaviŭ hienieralny sakratar NATO Jens Stołtenberh, u Madrydzie buduć pryniatyja klučavyja pastanovy dla budučyni NATA.
«My adobrym novuju stratehičnuju kancepcyju, umacujem našu abaranazdolnaść i prymiem rašeńnie ab kompleksnym pakiecie dapamohi Ukrainie», — zapeŭniŭ jon.
Jak paviedamlaje karespandent Bi-bi-si pa pytańniach abarony Frenk Hardnier, paśla čatyroch miesiacaŭ drennych navin z Ukrainy lidaram NATA jość što adśviatkavać: Turcyja źniała svaje piarečańni suprać pryjomu ŭ aljans Šviecyi i Finlandyi.
Dla NATA, jaki sprabuje zabiaśpiečyć Ukrainu zbrojaj, nieabchodnym dla strymlivańnia pastupova nastupu rasijskich vojskaŭ, heta vielizarnaja padzieja.
Šviecyja i Finlandyja niasuć z saboj sučasnyja armii, samyja pieradavyja technałohii i praciahłaje ŭźbiarežža Bałtyjskaha mora.
Tym nie mienš, jak čakajecca, siońnia premjer-ministr Vialikabrytanii Borys Džonsan vystupić na samicie z papiaredžańniem ab tym, što, pavodle jaho słoŭ, «kapać treba hłybiej», kab padrychtavacca da bolš niebiaśpiečnaha dziesiacihodździa, jakoje, jak jon ličyć, čakaje nas napieradzie.
Jon abvieścić ab šerahu krokaŭ Vialikabrytanii ŭ ramkach NATA, u tym liku ab pašyreńni brytanskaj bazy ŭ Estonii.
