Pavodle infarmacyi pravaabaroncaŭ, supracoŭnik «Naftana» ŭžo piać dzion trymaje suchuju haładoŭku ŭ izalatary časovaha ŭtrymańnia.
32-hadovaha Barysa Žachoŭskaha zatrymali ŭ siaredzinie maja ŭ Navapołacku na pracoŭnym miescy. Pieršy sud nad im adbyŭsia 16 maja. Sudździa Volha Balika asudziła Žachoŭskaha na 15 dzion aryštu za «raspaŭsiudžvańnie ekstremisckich materyjałaŭ» (art. 19.11 KaAP). Adnak na volu Barys nie vyjšaŭ — na jaho skłali novy pratakoł pavodle art. 19.11 KaAP. Vynikam stali čarhovyja 15 sutak.
16 červienia Žachoŭskaha asudzili treci raz zapar. Hetym razam sudździa Zinaida Bałabołava pryznała jaho vinavatym u «niesankcyjanavanym pikietavańni» (art. 24.23 KaAP) i aryštavała na 15 sutak. Ahułam Žachoŭskaha buduć utrymlivać za kratami 45 dzion.
