Pa jaho słovach, što rabić ź biełaruskimi aktyvami, pakul abmiarkoŭvajucca. Praca pradpryjemstvaŭ VMG była prypynienaja na pačatku sakavika. U Biełarusi vyrablalisia tavary dla IKEA.
VMG WoodArt była stvoranaja ŭ 2018 hodzie sumiesna z partnioram pa prajekcie, šviedskaj hrupaj handlu meblaj Ikea. VMG tady abviaściła, što płanuje inviestavać u kampaniju kala 80 miljonaŭ jeŭra i stvaryć kala 600 pracoŭnych miescaŭ.
U 2018 hodzie Jeŭrapiejski bank rekanstrukcyi i raźvićcia daŭ hrupie VMG kredyt u pamiery 50 młn jeŭra pad prajekt raźvićcia fabryki ŭ Mahiloŭskaj vobłaści. Tady paviedamlałasia, što paśla jaho realizacyi budzie stvorana bolš za 200 novych pracoŭnych miescaŭ, a ahulnaja kolkaść rabotnikaŭ pieravysić 1,7 tys.
U minułym hodzie adziny akcyjanier VMG Group Sihitas Paŭłaŭskas paviedamiŭ BNS, što ŭ 2022 hodzie hrupa płanuje pašyryć svaje biełaruskija zavody.
Hrupie VMG u Mahiloŭskaj svabodnaj ekanamičnaj zonie (SEZ) naležyć fabryka pa vytvorčaści draŭninna-stružkavych plit, mebli i detalaŭ z klejenaj draŭniny, u Viciebskaj SEZ — fabryka pa vytvorčaści mebli z masivu dreva.
VMG Group vałodaje 27 kampanijami z bolš čym 5000 supracoŭnikaŭ.
