Vadzim Dzienisienka. Fota «Ukrinfarm»
Takoje mierkavańnie ŭ efiry ŭkrainskich telekanałaŭ vykazaŭ daradca ministra ŭnutranych spraŭ Ukrainy Vadzim Dzienisienka, piša «Ukrinfarm».
«Ciapier jość zajavy adnaho z vajskovych kiraŭnikoŭ Biełarusi ab tym, što ŭkraincy nibyta pačynajuć pierachodzić na terytoryju Biełarusi i što nibyta na terytoryi Biełarusi ŭkraincy ŭładkoŭvajuć niejkija zasady, niešta minujuć i hetak dalej. Heta značyć, rasijanie, miarkujučy pa ŭsim, paprasili kiraŭnictva Biełarusi ŭklučycca ŭ słoŭnuju, jak minimum, hulniu suprać Ukrainy i pačać raspaviadać niebylicy pra toje, jak ukraincy źbirajucca niešta tam rabić na terytoryi Biełarusi», — adznačyŭ Dzienisienka.
Pavodle jaho słoŭ, ciapier jość razumieńnie, što heta robicca śpiecyjalna dla taho, kab maksimalna adciahnuć svaje siły, kab ukraincy vymušanyja byli kancentravać svaje siły na miažy ź Biełaruśsiu, i kab pamienšyć mahčymaści pierakidvać svaje vojski na ŭschod i poŭdzień Ukrainy.
Bajavyja dziejańni, to, jak prainfarmavaŭ daradca ministra, ciapier kancentrujucca pierš za ŭsio na Łuhanskim kirunku — heta Sievieradanieck i Lisičansk.
Napiaredadni dziaržsakratar Rady Biaśpieki Biełarusi Alaksandr Valfovič zajaviŭ, što ŭkrainskija dyviersijna-raźviedvalnyja hrupy zachodziać na terytoryju Biełarusi.
«Idzie inžyniernaje abstalavańnie ŭčastkaŭ dziaržaŭnaj miažy ŭzdoŭž ukrainskaj miažy, uzdoŭž našych paŭdniovych rubiažoŭ, minavańnie, ažyćciaŭleńnie zavałaŭ, dziejańnie dyviersijna-raźviedvalnych hrup, u tym liku z zachodam na biełaruskuju terytoryju», — skazaŭ Alaksandr Valfovič.
Hladzicie taksama:
Valfovič zajaviŭ, što ŭkrainskija dyviersijna-vyviedvalnyja hrupy zachodziać na terytoryju Biełarusi
