Pra haładoŭku ŭ SIZA 64-hadovaj piensijanierki z Bresta Aleny Hnaŭk stała viadoma 10 maja. Žančyna pačała jaje z-za abmiežavańniaŭ u pierapiscy — jaje listy nie dachodzili adrasatam. Ciapier, pa słovach svajakoŭ palitviaźnia, hetaja prablema vyrašana.
Paviedamlajecca, što žančyna adčuvaje siabie dobra.
Raniej Alena Hnaŭk była asudžanaja na try hady abmiežavańnia voli biez nakiravańnia ŭ PUAT sumarna pavodle «karahodnaj» spravy ŭ Bieraści i za abrazu Alaksandra Łukašenki.
Užo na «chatniaj chimii» jaje znoŭ zatrymali i źmiaścili ŭ SIZA. Ciapier Hnaŭk abvinavačvajuć pa dvuch artykułach Kryminalnaha kodeksa Biełarusi — 367 («Paklop u dačynieńni da prezidenta Biełarusi») i 369-1 («Dyskredytacyja Respubliki Biełaruś»).
Zhodna z materyjałami spravy, Hnaŭk 23 listapada 2021 hoda raźmiaściła ŭ sacyjalnych sietkach Facebook i Instagram «zahadzia iłžyvyja źviestki ab pravavym stanoviščy zamiežnych hramadzian u Respublicy Biełaruś, što było nakiravana na pryčynieńnie istotnaj škody dziaržaŭnym intaresam». U pastach Alena raspaviadała pra kurdskija siemji i stanovišča mihrantaŭ u Biełarusi.
Piensijaniercy pahražaje da šaści hadoŭ pazbaŭleńnia voli.
