Fota: AP
«U pieršyja miesiacy vajny pieramoha dla nas vyhladała jak advod rasijskich vojskaŭ na pazicyi, jakija jany zajmali da 24 lutaha, i adpłata za naniesienuju škodu. Ciapier, kali my budziem dastatkova mocnyja na vajennym froncie i vyjhrajem bitvu za Danbas, što budzie vyrašalnym dla dalejšaj dynamiki vajny, to, biezumoŭna, pieramoha dla nas u hetaj vajnie budzie vyzvaleńniem astatnich našych terytoryj», — skazaŭ jon.
Pavodle Kuleby, tolki paražeńnie Rasii dazvolić Ukrainie znoŭ adkryć svaje čarnamorskija party i adnavić ekspartnuju ekanomiku.
Kali Kijeŭ atrymaje «jašče bolš vajennaj padtrymki, my zmožam adkinuć ich z Chiersonskaj vobłaści, razhramić Čarnamorski fłot i razbłakavać prachod [da mora]».
Ale jon taksama pryznaŭ, što krovapralićcie moža być zanadta vialikim, i Ukrainie, mahčyma, daviadziecca vieści pieramovy.
U takim vypadku Kijeŭ chacieŭ by «padyści da niepaźbiežnaha momantu z najmacniejšymi kartami», skazaŭ kiraŭnik MZS.
5 krasavika prezident Ukrainy Uładzimir Zialenski kazaŭ, što pieramohaj dla Ukrainy budzie adstupleńnie Rasii da pazicyj, jakija jana zajmała da 24 lutaha hetaha hoda.
Ukrainskija ŭłady zaklikali Zachad dać zbroju dla abarony dziaržavy, i ŭ apošnija tydni zachodnija partniory aktyŭna pastaŭlajuć uzbrajeńni va Ukrainu.
9 traŭnia prezident ZŠA Džo Bajden padpisaŭ zakon ab lend-lizie, jaki sprościć pastaŭki zbroi va Ukrainu i Jeŭropu.
