Deputatu Dziarždumy ad KPRF Valeryju Raškinu dali try hady pazbaŭleńnia voli ŭmoŭna pa spravie ab niezakonnym palavańni.
Napiaredadni prakuratura patrabavała deputatu try z pałovaj hady ŭmoŭna.
Sam Raškin zajaŭlaŭ, što hatovy pakryć škodu, pryčynienuju palaŭničaj haspadarcy, i prasiŭ sud pryznačyć jamu štraf.
Sud razhladaŭ spravu ŭ zakrytym režymie. Ułady tłumačyli heta karanavirusnymi abmiežavańniami.
U noč na 29 kastryčnika 2021 hoda Raškin razam sa znajomymi upalavaŭ łasia ŭ Sarataŭskaj vobłaści, adnak dazvołu na palavańnie ŭ mužčyn nie było. Zabiŭšy žyviołu, jany schavali zbroju, razabrali tušu i pakłali ŭ bahažnik. Zdabyču vyjavili supracoŭniki Kamiteta palaŭničaj haspadarki rehijona, kali spynili mašynu deputata.
Sprava atrymała značny rozhałas u presie.
