Miesiac u abłozie
Vajna pastaviła kaliści malaŭničy Čarnihaŭ na miažu humanitarnaj katastrofy. U abłozie rasiejskimi vojskami prajšoŭ bolš za miesiac: ź pieršych dzion uvarvańnia da pačatku krasavika.
Udar pa «Ukrainie»
Byłaja vizitoŭka Čarnihava — haścinica «Ukraina» na skryžavańni centralnych praśpiektaŭ. Ciapier hety budynak staŭ adnym z samych viadomych simvałaŭ śviadomaha źniščeńnia horada. Jaho razburyli rakietnym udaram nočču 12 sakavika.
Mer horada-hieroja
«Horadu bolš za 1000 hadoŭ, i nikoli nie było prykładaŭ, kab jaho zdavali kamuści. Paśla taho, jak ja heta zajaviŭ, u meryju palacieli 2 rakiety «Iskander». Na žal, jany ŭpali siarod damoŭ, prosta ŭ centry horada. Vielmi šmat paciarpiełych», — raspaviadaje mer Čarnihava Uładzisłaŭ Atrošanka.
Bolš za ŭsio paciarpieli žyłyja damy
Haradskija ŭłady i abłasnaja administracyja praciahvajuć padličvać nastupstvy razbureńniaŭ. Jany ŭžo zaraz sychodziacca ŭ adnym — bolš za ŭsio paciarpieli žyłyja damy.
Pad ruinami
Vyratavalnyja słužby praciahvajuć raźbirać zavały, vyciahvajučy z-pad ich majomaść, a časam i cieły miascovych žycharoŭ.
Infrastruktura raźbitaja
Kamunalniki adnaŭlajuć pracu sistem žyćciezabieśpiačeńnia. Čarnihaŭ da hetaha času zastajecca biez aciapleńnia, u horadzie prablemy z vodazabieśpiačeńniem, elektryčnaściu i suviaźziu.
Biez hrošaj i praduktaŭ
Bolšaść kram i kirmašoŭ u Čarnihavie albo začynienyja, albo razburanyja. Haradžanie vyžyvajuć za košt humanitarnaj dapamohi.
Stadyjon imia Haharyna
Stadyjon futbolnaha kłuba «Dziasna» razburany artyleryjskim abstrełam 5 sakavika i bambardziroŭkaj z pavietra 11 sakavika. Dapamahčy adnavić spartyŭnuju placoŭku abiacajuć Niamieččyna i Dortmundski kłub «Barusija», hulcom jakoha ŭ svoj čas byŭ čarnihaŭčanin Andrej Jarmolenka.
Knihi pad adkrytym niebam
Muziej staražytnaściaŭ i jaho biblijateka pa susiedstvie sa stadyjonam taksama byli razburanyja padčas sakavickaj bambardziroŭki horada.
Jabłynievy sad
Rasijskaja armija skidała niekiravalnyja avijabomby i na žyłyja kvartały Čarnihava, dzie ŭ pryvatnych damach pražyvali sotni hramadzianskich asob. Na fota: palicejski ahladaje varonku ad bomby na miescy byłoha jabłynievaha sadu na ŭskrainie horada.
Razburanyja trojčy
«Naš dom razburali trojčy: spačatku bombami, potym trapiŭ artyleryjski snarad, a paśla prosta spalili, — raspaviadaje miascovaja žycharka Hanna Doraš. — Nu, jak havorycca, voraha siudy nie puścili. Tolki što paśla hetaha nam rabić, my nie viedajem».
Bai za horad
Rasiejskaja armija abstrelvała Čarnihaŭ z troch napramkaŭ. Z sakavika bai, u tym liku z užyvańniem ciažkaj techniki, vialisia ŭžo na ŭskrainach horada. Na fota: rasijski tank T-80, padbity na adnoj z vulic Čarnihava.
Bieź miesca dla vučoby
Za miesiac abłohi ŭ Čarnihavie, pavodle źviestak meryi, paciarpieli 27 škoł i 37 dziciačych sadkoŭ — acaleła tolki kožnaja piataja ŭstanova. Na fota: škoła №18, razburanaja padčas avijanalotu 3 sakavika. Pad zavałami škoły ratavalniki znajšli cieła mužčyny.
Mahiły brackija i biezymiennyja
Za miesiac bajoŭ u horadzie zahinuli bolš za 700 haradžan. Cieły dziasiatkaŭ dahetul nie identyfikavanyja — niekatorych ź ich chavali, navat nie čakajučy blizkich dla apaznańnia.
Viartacca pakul niebiaśpiečna
Miascovyja ŭłady aścierahajucca, što z-za razbureńnia amal usich pramysłovych pradpryjemstvaŭ i prypynku biznesu horad nie chutka naźbiraje hrošy na adnaŭleńnie i narmalnaje funkcyjanavańnie. Haradžan papiaredžvajuć: žyć u Čarnihavie dahetul niebiaśpiečna.
Reštki mirnaha žyćcia
Miascovyja viartajucca ŭ źniščanyja kvatery, kab zabrać reštki acalełych rečaŭ. Andrej pierajechaŭ da svajakoŭ u hłyb vobłaści — ułasnaha žylla ŭ jaho bolš niama.
Evakuacyja praciahvajecca
Dabračynnyja arhanizacyi praciahvajuć vyvozić z Čarnihava tych, chto straciŭ dom i napałochany vajnoj, u biaśpiečnyja miescy. Na fota: evakuacyja padapiečnych jaŭrejskaha centra pry haradskoj sinahozie.
