Fota: Minzdaroŭja
Pra vypadak žančyny paviedamiła Minzdaroŭja.
Uvosień 2021 hoda, kali Julija trapiła ŭ balnicu, rehistravali štam «delta», jaki pryvioŭ da vysokaha ŭzroŭniu zachvorvalnaści na ciažkija formy COVID-19 u ciažarnych.
Žančyna pastupiła ŭ MNPC paśla ekstranaha kiesarava siačeńnia, ź ciažkim ciačeńniem COVID-19 i z paškodžanymi lohkimi, na ŠVŁ. A paśla ŭ jaje raźviłasia množnaje paškodžańnie i inšych orhanaŭ. Praktyčna try tydni jaje imunnaja sistema była padaŭlenaja i nie funkcyjanavała.
Daktary štodnia aceńvali stan pacyjentki. Joju zajmalisia dziasiatki daktaroŭ, da taho ž pastajanna pravodzilisia kansiliumy ź infiekcyjanistami, pulmanałohami, akušerami-hiniekołahami i inšymi śpiecyjalistami.
Ciapier Julija adnaviłasia, moža chadzić, i siońnia jaje vypisali.
