Sudździa Anastasija Ačałava asudziła pa č. 1 art. 342 KK (udzieł u dziejańniach, jakija hruba parušajuć hramadski paradak) palitźniavolenaha Alaksieja da 1,5 hoda kałonii ahulnaha režymu za ŭdzieł u dvuch maršach, a Darju — da dvuch hadoŭ «chatniaj chimii» za ŭdzieł u adnym maršy.
Pavodle abvinavačvańnia, 23 žniŭnia Alaksiej «z metaj publičnaha vykazvańnia niezakonnymi sposabami svaich hramadska-palityčnych pohladaŭ i pratestu, viadzieńnia destruktyŭnaj dziejnaści, nakiravanaj, u tym liku, na abvastreńnie napružanaści ŭ hramadstvie», ažyćciaviŭ błakiroŭku ruchu transpartu — razam ź inšymi ludźmi svaimi dziejańniami parušyŭ ruch 19 aŭtobusaŭ i 5 tralejbusaŭ.
Akramia hetaha, jamu inkryminavali ŭdzieł u akcyi pratestu 30 žniŭnia. Za hety epizod asudzili i jaho žonku.
.
