Zhodna ź viersijaj abvinavačvańnia, Ardziuk 9 žniŭnia 2020 hoda ŭ Pinsku vyłamaŭ koł, jaki padpiraŭ dreva, razłamaŭ hetuju pałku na dźvie častki, adnu ź jakich kinuŭ u bok supracoŭnikaŭ milicyi. Hetuju pałku jon «kinuŭ z metaj naniasieńnia paškodžańniaŭ» i «naŭmysna pahražajučy hvałtam» milicyjantam. Taksama pa adbvinavačvańni jon na vulicy Zasłonava ŭ Pinsku kinuŭ žmieniu ziamli ŭ bok milicyjantaŭ.
Na sudzie palitviazień pryznaŭ vinu całkam. Ardziuk užo zapłaciŭ kampiensacyju KVUP ŽREU ŭ pamiery 50 rubloŭ, i stolki ž pieravioŭ UUS Brestabłvykankama.
Aleha Ardziuka zatrymali 15 vieraśnia minułaha hoda naŭprost u vojsku, dzie jon prachodziŭ terminovuju słužbu z 26 listapada 2020 hoda. Na niekatoryja pytańni ŭ sudzie jon adkazvaŭ: «Nikak niet!», «Tak točno!».
Prakuror Vadzim Bahatka paprasiŭ sud pakarać palitviaźnia 3 hadami i 6 miesiacami kałonii va ŭmovach uzmocnienaha režymu. Mienavita takoje pakarańnie i pryznačyŭ sudździa Śviatasłaŭ Kalina.
Ahułam pa «pinskaj spravie» za akcyju pratestu z 9 na 10 žniŭnia 2020 hoda na terminy ad 3 da 6,5 hoda pazbaŭleńnia voli 26 palitźniavolenych. Ich sudzili ŭ troch hrupach. Palitviaźni musiać u salidarnym paradku vypłacić zvyš 200 tysiač rubloŭ kampiensacyi siłavikam i čynoŭnikam. Usie jany ŭžo adbyvajuć terminy ŭ kałonijach, paviedamlajuć pravaabaroncy.
