Jeŭrapiejskija lidary i Ursuła fon der Lajen abmiarkoŭvajuć sankcyi suprać Rasii. 28 lutaha 2022 hoda. Fota PIGNATELLI/ROPI/ZUMA PRESS.

Jeŭrapiejskija lidary i Ursuła fon der Lajen abmiarkoŭvajuć sankcyi suprać Rasii. 28 lutaha 2022 hoda. Fota PIGNATELLI/ROPI/ZUMA PRESS.

Bloomberg daviedaŭsia ab płanie ES pieradać aktyvy rasijskich biźniesmienaŭ Ukrainie. Try krynicy paviedamili ahienctvu, što ES vyvučaje płan pieradačy Kijevu majomaści rasijskich pradprymalnikaŭ, kab jon moh adnavić Ukrainu.

Inicyjatyva znachodzicca «na vielmi rańniaj stadyi» raspracoŭki, rašeńnie z hetaj nahody pakul nie pryniataje, paviedamlaje ahienctva.

U adkaz na prośbu prakamientavać hetyja źviestki pres-sakratar kiraŭnika Jeŭrapiejskaj kamisii Ursuły fon der Lajen Eryk Mamier zajaviŭ, što pakul aktyvy «tolki zamarožanyja», a sama fon der Lajen nie prasiła vyvučyć hetaje pytańnie.

ES uvioŭ sankcyi suprać dziasiatkaŭ rasijskich pradprymalnikaŭ i top-mieniedžaraŭ kampanij, u tym liku kiraŭnika «Rasnafty» Ihara Siečyna, zasnavalnika USM Holdings Ališera Usmanava, akcyjaniera NOVATEKa Hienadzia Cimčanki i kiraŭnika «Sievierstali» Alaksieja Mardašova. Im zabaranili ŭjazdžać na terytoryju Jeŭrasajuza, a ich aktyvy, u tym liku doli ŭ kampanijach, rachunki i nieruchomaść, zamarozili.

U jakaści adnoj z pryčyn uviadzieńnia sankcyj Brusel nazyvaŭ udzieł niekatorych z hetych pradprymalnikaŭ u sustrečy z prezidentam Rasii Uładzimiram Pucinym 9 sakavika. Na joj abmiarkoŭvałasia dalejšaje ŭzmacnieńnie zachodnich sankcyj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?