U Litvie abmiežavali sumu najaŭnych u jeŭra, jakuju možna vyvieźci dla asabistych patreb u Biełaruś i Rasiju. Ciapier padčas pajezdki ŭ hetyja krainy pry sabie možna mieć najaŭnymi tolki da 60 jeŭra na čałavieka.
Ci jość vyklučeńnie dla tych, chto viartajecca z-za miažy z pracy?
«Vy možacie brać hrošy ŭ inšaj valucie. Takaja ž suma najaŭnych dla asabistych patreb (nie bolš za 60 jeŭra. — «NN») tyčycca i rabotnikaŭ kampanij, naprykład, kiroŭcaŭ», — adkazali na haračaj linii mytnaha kantrolu Litvy.
Raniej paviedamlałasia, što vyklučeńni jość tolki dla dyppradstaŭnictvaŭ i mižnarodnych arhanizacyj u Biełarusi ci Rasii, jakija karystajucca imunitetami ŭ adpaviednaści ź mižnarodnym pravam.
«Kali mytnyja orhany vyjaviać, što zadekłaravanaja suma banknot jeŭra pieravyšaje sumu, dazvolenuju dla vyvazu, dekłaracyju ab najaŭnych hrošach nie vydaduć, a asoba z banknotami jeŭra vierniecca ŭ Litvu», — papiaredžvała mytnaja słužba.
Za parušeńnie uviedzienych praviłaŭ mohuć pryciahnuć da administracyjnaj adkaznaści.