Fota: TASS
13 sakavika ŭ šerahu rasijskich telehram-kanałaŭ źjaviłasia infarmacyja ab tym, što Ramzan Kadyraŭ znachodzicca va Ukrainie i sustreŭsia z čačenskimi siłavikami, jakija ŭdzielničajuć u vajnie. Prapahandysty apublikavali videa, ź jakoha zrabili vysnovu, što Kadyraŭ znachodzicca za 7 kiłamietraŭ ad ukrainskaj stalicy.
Daradca kiraŭnika Ofisa prezidenta Ukrainy Alaksiej Arastovič adreahavaŭ na hetyja paviedamleńni: «Ciapier praviarajecca infarmacyja, viernaja ci nie, ale jość infarmacyja, što ŭčora jaho bačyli ŭ Hroznym (stalica Čačni). Ale za sutki možna i pad Kijeŭ pierajechać. Tym nie mienš, jaho źjaŭleńnie ničoha nie vyrašaje. Budzie infarmacyja — źniščym. Nie vyjavim infarmacyju — źniščym u nastupny raz».
Ramzan Kadyraŭ adrazu adkazaŭ: «Čamu «kali»? Ty nie bačyŭ zdymki ci ja pavinien hrukacca ŭ tvaje dźviery?».
Paźniej, paśla poŭnačy, užo 14 sakavika, u svaim telehram-kanale Kadyraŭ apublikavaŭ videa i zajaviŭ, što jano źniataje ŭ Hastomieli, što za 25 km ad Kijeva.
Taksama jon dadaŭ: «Kulhaje vaša raźviedka. Na videa my ŭ Hastomieli. Na dniach my byli prykładna za 20 km ad vas, kijeŭskija nacyki, a ciapier jašče bližej, i zdahadajciesia, nakolki blizka my nablizilisia. Uniasu intryhu: a moža, my ŭžo ŭ Kijevie i tolki čakajem patrebnaj kamandy?»
Pavodle infarmacyi krynic «Ukrainskaj praŭdy» ŭ SBU, Kadyraŭ vykarystoŭvaje dva telefonnyja numary.
Pavodle danych ukrainskich mabilnych apierataraŭ, za apošnija siem dzion hetyja numary Kadyrava nie dałučalisia pa roŭminhu da ukrainskich vyšak suviazi.
Z dapamohaj publičnaha anłajn-servisu «UP» pasprabavała daviedacca adras, krainu i horad, dzie znachodzicca numar telefona Kadyrava. Hety servis hienieruje spasyłku, jakaja dazvalaje vyjavić miescaznachodžańnie numara, jak tolki karystalnik piarojdzie pa spasyłcy. Pry hetym karystalnik ni pra što nie zdahadvajecca, bo pa spasyłcy jon pierachodzić na zvyčajny sajt.
Supracoŭniki «Ukrainskaja praŭda» napisali paviedamleńnie Kadyravu ŭ Telehramie, pradstavilisia žurnalistkaj RIA «Naviny» i dadali spasyłku na artykuł mienavita ŭ toj dzień, kali, sa słoŭ Kadyrava, jon znachodziŭsia va Ukrainie i pad Kijevam.
Servis znajšoŭ takuju hieałakacyju Kadyrava: Rasijskaja Fiederacyja, horad Hrozny.
Pavodle danych telefona Kadyrava, u svajoj zajavie pra nibyta znachodžańnie pad Kijevam 13 sakavika kiraŭnik Čačni schłusiŭ.
15 sakavika ŭ svaim telehram-kanale Kadyraŭ apublikavaŭ videa, na jakim jon užo znachodzicca ŭ Čačni.
