Pra heta paviedamiła ŭpaŭnavažanaja pa pravach čałavieka Ludmiła Dzianisava.
«Pa stanie na 12 hadzin 6 sakavika z pačatku ŭvarvańnia Rasii va Ukrainu zahinuła 38 dziaciej i paranienaje 71 dzicia. Hetyja danyja nie źjaŭlajucca kančatkovymi, bo ŭstalavać dakładnuju infarmacyju ab kolkaści zabitych i paranienych žycharoŭ Maryupala i Irpienia na Kijeŭščynie pakul niemahčyma», — raskazała jana.
Tolki za apošnija sutki ŭ vyniku abstrełaŭ zachopnikaŭ u Maryupali zahinuŭ paŭtarahadovy chłopčyk.
U horadzie Buča Kijeŭskaj vobłaści dvoje ciažka paranienych dziaciej pamierli z-za niemahčymaści atrymać miedycynskuju dapamohu.
Na vyjeździe z horada Irpień Kijeŭskaj vobłaści rasijskija vojski adkryli ahoń pa cyvilnych hramadzianach padčas ich sproby evakujavacca z horada. Prynamsi try čałavieki zahinuli, u tym liku — dvoje dziaciej, jašče adzin čałaviek u ciažkim stanie z-za ranieńnia.
Chłopčyk, jaki naradziŭsia ŭ Charkavie 40 dzion tamu, pamior ad pnieŭmanii, jakoj zachvareŭ padčas šmatdzionnaha znachodžańnia ŭ bambaschoviščy.
