Fota: Emilio Morenatti, AP
«Ja nie prapahandyst i nie palityk i, napeŭna, tamu nie razumieju, što treba skazać rasiejskaj maci (žoncy), za što zahinuŭ syn (muž), kali jana nie viedaje, dzie znachodzicca Łuhansk, kali jana, jak i bolšaść z nas, nie viedaje, chto taki byŭ Ściapan Bandera, tym bolš, što i historyja pastajanna abnaŭlajecca i zusim niadaŭna my daviedalisia, što była nie Vialikaja Kastryčnickaja revalucyja (u Biełarusi 7 listapada śviatočny dzień), a dziaržpieravarot. Dziadula Lenin nie idealny.
Vojny ŭ Iraku ci Siryi my hladzieli pa televizary i kožny zajmaŭ pazicyju bolš pryjemnaha jamu prapahandysta. Z Ukrainaj usio pa-inšamu. U mnohich tam svajaki, siabry, partniory pa biznesie. My ŭsio viedajem ź pieršych vusnaŭ.
Ja, jak habrej, nie mahu zrazumieć, jak u krainie, zapoŭnienaj «nacystami», na absalutna prazrystych i demakratyčnych vybarach vybrali prezidentam habreja?
U čym vinavatyja zahinułyja ad vypadkovaha snarada mirnyja žychary? U čym vinavatyja rasiejcy, jakija, znachodziačysia za miažoj, nie mohuć apłacić Visa? U čym vinavatyja ludzi, jakija apłacili aŭtamabil i nie atrymajuć jaho? U čym vinavatyja zaŭziatary, jakija stracili chatni finał Lihi čempijonaŭ pa futbole?
A kolki ludziej ciapier straciać biznes i pracu, navat strašna padumać.
Situacyja pajšła pa scenary «tak nie dastavajsia ž ty nikomu».
Treba terminova spynicca.
#nietvojnie», — napisaŭ Izrailevič.