Ivan Urhant
televiadučy
Strach i bol. Nie vajnie.
Anton Dolin
kinakrytyk
Hetaj nočču zdaryłasia samaja strašnaja i haniebnaja padzieja, prynamsi, za ŭsio majo žyćcio. Prezident majoj krainy abviaściŭ vajnu Ukrainie. Nikoli ŭ žyćci ni słovam, ni spravaj ja nie padtrymlivaŭ uładu Pucina, ni razu nie hałasavaŭ za jaho. Niahledziačy na heta, mnie biaskonca soramna i drenna. Darahija ŭkraincy, ja viedaju, što nikomu z vas niama ciapier spravy da takich asobnych hałasoŭ, ale ŭsie maje dumki z vami. Umieŭ by malicca, napisaŭ by «Malitvu». Ale nie ŭmieju. Napeŭna, upieršyniu ŭ žyćci takaja razhublenaść ad čarnaty zła, u epicentry jakoha my ŭsie znachodzimsia prama ciapier. I niezrazumieła, na što i kaho spadziavacca. Nie pišu «prabačcie». Daravać takoje niemahčyma.
Valeryj Mieładze
śpiavak
Siońnia adbyłosia toje, što nie mahło i nie pavinna było adbyvacca nikoli. Historyja kali-niebudź vyrašyć i rasstavić usio pa svaich miescach. Ale siońnia ja chaču paprasić vas, ja malu spynić vajennyja dziejańni i sieści za stoł pieramovaŭ. Ludzi pavinny ŭmieć damaŭlacca — dla hetaha nam dadzienaja mova, dla hetaha nam dadzienyja ŭsie zdolnaści. Ludzi nie pavinny hinuć. Heta treba spynić.
Halina Juzefovič
litaraturny krytyk
Samaja strašnaja ranica ŭ žyćci. I ŭsio heta robicca ad majho imia.
Siarhiej Śmirnoŭ
žurnalist, hałoŭny redaktar sajta «Miedyjazona»
Ałarmisty mieli racyju. Amierykanskaja raźviedka mieła racyju. Ja nie vieryŭ, ščyra skažu, jašče paru tydniaŭ tamu. Prosta ŭ hałavie nie ŭkładvajecca. Davajcie praciahniem być ałarmistami, zdajecca, heta samaja racyjanalnaja pazicyja siońnia. Pucin źbirajecca brać i Kijeŭ, i Lvoŭ. Miarkujučy pa jaho vykazvańniach, jon navat pahražaje, kali što, užyvańniem jadziernaj zbroi.
Naohuł, staraješsia być razumnym, niejak niešta napisać. Ale pakul, kali ščyra, nie vielmi atrymlivajecca. Chočacca kryčać i pračnucca. Takoha nie pavinna być. Hetaha nie pavinna być! Jakaja vajna, čamu my ŭsie stali zakładnikami hetaha varjactva. Hańba ŭsim, chto padšturchoŭvaŭ da hetaj vajny. Chto pracuje na prapahandu, chto dapamahaje prapahandzie, chto ciapier radujecca bambiožkam. Budźcie vy praklatyja!
Barys Akunin
piśmieńnik
Ja da samaha kanca nie moh pavieryć, što Pucin pačnie hetuju absurdnuju vajnu — i pamyliŭsia. Ja zaŭsiody vieryŭ, što ŭrešcie rešt pieramoža rozum — i pamyliŭsia. Pieramahło varjactva. Hinuć ludzi, lijecca kroŭ. Rasijaj kiruje psichična nienarmalny dyktatar, i, što žudaśniej za ŭsio, jana pakorliva vartaja jahonaj paranoi.
Ja viedaju, što Pucinlandyja i Rasija — nie adno i toje ž, ale ciapier dla ŭsiaho śvietu nijakaj roźnicy niama. Strašna za ŭkraincaŭ. Strašna za razumnych rasijan, jakija znachodziacca pad uładaj mańjaka. Za abałvanienych rasijan, jakija ciapier buduć radavacca, taksama strašna.
24 lutaha 2022 hoda dla ŭsich nas pačałasia novaja epocha. Strašnaja. Kolki jana praciahniecca i ŭ jakija achviary abydziecca?
Maksim Hałkin
komik
Z samaje ranicy na suviazi z rodnymi i siabrami z Ukrainy! Nie pieradać słovami, što ja adčuvaju! Jak heta ŭsio mahčyma!? Nie moža być apraŭdańniaŭ vajnie! Nie vajnie!
Viktar Šanderovič
piśmieńnik i publicyst
Ja tak raźličvaŭ na ich chałodny cynizm. Ja tak spadziavaŭsia, što ŭsio heta byŭ blef. Ja pa-raniejšamu dumaju, što heta byŭ blef.
Ale aplavucha, jakuju atrymaŭ u adkaz Pucin — asabista Pucin, —zapatrabavała adkazu ŭ vyhladzie sapraŭdnaj kryvi. I ŭžo nie akazałasia va ŭsioj palityčnaj elicie nivodnaha prystojnaha čałavieka. Nivodnaha, jaki pasprabavaŭ by spynić katastrofu. Hetaja vajna — stvareńnie adnaho chvoraha ŭščemlenaha samalubstva. I heta złačynstva Rasii, viadoma. Usie my — saŭdzielniki. Usie my, jakija dazvolili hetaj moli vyraści ŭ drakona, zdolnaha źniščyć śviet. Soram i žach.
Prabačcie nam, biednym zabojcam…
Alaksandr Hudkoŭ
komik, televiadučy
Mnie soramna, što naradziŭsia ŭ hety dzień.
Dźmitryj Šepieleŭ
Televiadučy, biełarus
«Mnie asabliva strašna ad taho, što ja zaraz advioz dzicia ŭ škołu, a maje siabry ŭ Kijevie i inšych haradach Ukrainy viaduć dziaciej u bambaschoviščy. Heta nie ŭkładajecca ŭ hałavie».
Saša Filipienka
Piśmieńnik, biełarus
«Amal dva hady mnohija rasijskija znajomyja nas pavučali, pahardliva havaryli: «Tak revalucyi nia robiacca, tak vy dyktatara nikoli nie prybieracie». Kali my tłumačyli, što zmahajemsia ŭ Biełarusi adrazu ź dźviuma dyktatarami — strymana ŭśmichalisia. (…) Siońnia ŭ kožnaha rasijanina jość ŭsiaho dva varyjanty:
1. Vyjści na vulicu z płakatam « Nie vajnie!»
2. Zastacca doma i nazaŭsiody uvajści u historyju svajoj krainy i siamji, jak čałaviek, jaki pramaŭčaŭ i padtrymaŭ vajnu».
Juryj Šaŭčuk
Muzykant
Vielizarnaja trahiedyja, jakaja mnohich z nas pazbaŭlaje budučyni. Ja ŭ šoku, pieražyvajem, načej nie śpim, hladzim naviny, stelefanoŭvajemsia ź siabrami, napeŭna taksama jak usie žychary Ukrainy i Rasii.
Što nam rabić? Rabić, što naležnaje, i budź što budzie. My tak ličym: kazać ab śviecie ź ludźmi, dzie tolki mahčyma. Havaryć spakojna, bieź isteryki, tamu što čas taki pryjšoŭ, dy… Heta vielmi važna. Usim miram — mir.
Alaksiej Navalny
palityk
Navalny vykazaŭsia padčas suda ŭ Pakroŭskaj papraŭčaj kałonii № 2:
U mianie niama nijakich mietadaŭ kamunikacyi sa źniešnim śvietam, prašu adlustravać u pratakole moj zvarot: ja suprać hetaj vajny. Ja liču, hetaja vajna zaklikanaja adciahnuć uvahu ad prablem Rasii, pryviadzie tolki da bolšaha źbiadnieńnia… Ja liču bandytami i zładziejami tych, chto raźviazaŭ hetuju vajnu. Ja pačaŭ palityčnuju dziejnaść, kab zmahacca z hetym zładziejskim złačynnym režymam. [Majo chadajnictva] ŭ tym, kab vy [sud] unieśli maju zajavu ŭ pratakoł, kab u rašeńni Lefortaŭskaha suda było skazana, što hetaja vajna pavinna być spynienaja… Tak, heta trochi pa-za ramkami hetaj spravy. Ekstraardynarnyja abstaviny patrabujuć ad nas ekstraardynarnych rašeńniaŭ.
Barys Hrabienščykoŭ
Muzykant
Toje, što adbyvajecca — sapraŭdnaje varjactva. Ludzi, jakija raźviazali hetuju vajnu, syšli z rozumu. Jany — hańba Rasii.
