«Biełaruskija vojski nie biaruć nijakaha ŭdziełu ŭ rasijskaj śpiecapieracyi ŭ Danbasie», — zajaviŭ Łukašenka padčas narady, nazvaŭšy apieracyju rasijskaj, a nie rasijska-biełaruskaj.
Łukašenka raspavioŭ pra padrabiaznaści razmovy z Pucinym, jakaja adbyłasia siońnia ŭ 5 ranicy. Vyhladaje, što kiraŭnik Rasii prainfarmavaŭ sajuźnika ab pačatku vajny paśla taho, jak apieracyja pačałasia.
Pavodle Łukašenki, Pucin «samym padrabiaznym čynam raspavioŭ pra situacyju i, samaje hałoŭnaje, pra raźvićcio hetaj situacyi».
Pucin zajaviŭ Łukašenku, što meta praviadzieńnia apieracyi «adnaznačnaja» — «spynieńnie hienacydu naroda ŭ Danieckaj i Łuhanskaj abłaściach».
Łukašenka zajaviŭ, što asabista prapanavaŭ Pucinu pakinuć niekatoruju kolkaść Uzbrojenych Sił Rasijskaj Fiederacyi na poŭdni Biełarusi.
Tłumačeńnie takoje: «My nie byli hatovyja prykryć paŭdniovy kirunak u hetaj situacyi, pakolki ŭkrainskija padraździaleńni — vajskoŭcy, nie pahraničniki — vysunulisia da miažy i pačali pravodzić tam manieŭry. My heta bačyli, ale ŭ nas tam nikoli nie było vojskaŭ. Tamu ja prapanavaŭ niejkuju nievialikuju častku [rasijskich vojskaŭ] pakinuć na paŭdniovych miežach, pakul my svaimi ŭzbrojenymi siłami nie zamienim ich».
Łukašenka adznačyŭ, što vajskovaje kiraŭnictva Ukrainy dvojčy pravodziła pieramovy ź biełaruskimi kalehami. Apošniaja takaja razmova adbyłasia paśla sustrečy prezidentaŭ Biełarusi i Rasii ŭ Maskvie. Niuansy pieramovaŭ kiraŭnikoŭ dziaržaŭ byli daviedzienyja da ŭkrainskaha boku.
Alaksandr Łukašenka adznačyŭ, što vajennaje kiraŭnictva Ukrainy dvojčy pravodziła pieramovy ź biełaruskimi kalehami. Apošniaja takaja razmova adbyłasia paśla sustrečy prezidentaŭ Biełarusi i Rasii ŭ Maskvie. Niuansy pieramovaŭ kiraŭnikoŭ dziaržaŭ byli daviedzienyja da ŭkrainskaha boku.
«Siońnia nočču da apieracyi jon [pradstaŭnik vajennaha kiraŭnictva Ukrainy] paprasiŭsia na razmovu. Ja kažu: «Havarycie ź im». Vy jamu ad mianie prapanavali, što paśla sustrečy z prezidentam Pucinym naš prezident Biełarusi vam rekamienduje nieadkładna źviazacca ź ministram abarony, Hienštabam Rasii dla taho, kab nie pačałasia hetaja bojnia. Patelefanavaŭ jon tudy? Nie patelefanavaŭ. Jon, viedajučy, što moža pačacca kanflikt, navat nie patelefanavaŭ u Maskvu. Słuchajcie, byli ž vypadki ŭ historyi, kali Chruščoŭ Kenedzi nočču patelefanavaŭ, i spynili termajadziernuju vajnu. A tut, bačycie, patelefanavać było ciažka, źniać trubku. Miarzotnik!» — zajaviŭ Alaksandr Łukašenka, na adras ukrainskaha kiraŭnictva.
«Kab nie dapuścić hetaha [krovapralićcia va Ukrainie] i spynić eskałacyju, treba sieści za stoł pieramovaŭ, ale nikoli Rasieja nie siadzie ź imi za stoł pieramovaŭ, kali papiarednie nie ŭzhadnić pytańni, jakija buduć abmiarkoŭvacca, — kaža Łukašenka. — Ich Rasieja prapisała dla NATO, i dla Amieryki, i dla Ukrainy ŭ tym liku. Piać ci šeść pytańniaŭ. Tam dva-try pytańni dla Ukrainy. Pieršaje — demilitaryzacyja Ukrainy, niedapuščeńnie ŭstupleńnia ŭ NATA Ukrainy i spynieńnie siłavych dziejańniaŭ suprać Daniecka i Łuhanska. Mahčyma, źjaviacca i inšyja pytańni.
Tak, jany buduć bolš strohija pa adnosinach da Ukrainie. A jak ža siońnia, kali ty cierpiš parazu? Viadoma, tabie pieramožca niešta pradyktuje. Ale davajcie budziem realistami: viadoma, niešta pradyktujuć, ale heta budzie značna lepš, čym Ukraina pacierpić parazu ŭ vajnie».
«My tut apraŭdvacca nie budziem z nahody taho, što my ŭdzielničajem, nie ŭdzielničajem u hetym kanflikcie. Jašče raz kažu: našych vojskaŭ tam niama. Ale kali treba budzie, kali heta budzie nieabchodna Biełarusi i Rasii, jany buduć», — zajaviŭ Alaksandr Łukašenka.
Rasija atakavała Ukrainu ANŁAJN
