Pytańnie ŭdziełu niepaŭnaletnich u Alimpijadzie vielmi aktulnaje dla fihurnaha katańnia. Na fota: Kamiła Valijeva
Adkaz Bacha prahučaŭ na pytańnie ab dopusku rasijskaj fihurystki Kamiły Valijevaj da spabornictvaŭ u Piekinie. Raniej Spartyŭny arbitražny sud dazvoliŭ 15-hadovaj spartsmiency praciahnuć vystupy, niahledziačy na stanoŭčy dopinh-test. Jaje ŭzrost staŭ abaronaj ad raźbiralnictva.
«Nie ŭpeŭnieny, što mnie biaśpiečna vykazvać asabistaje mierkavańnie pa pytańni ab uzrostavych abmiežavańniach, ale ŭsio ž. U sumlennym spabornictvie da ŭsich pavinny prymianiacca adnolkavyja praviły. Nam treba zrazumieć, jak hetaha damahčysia, uličvajučy ŭsie abstaviny».
«Jość pytańni, jakija nieabchodna vyrašyć, heta tyčycca prablemy niepaŭnaletnich na spabornictvach dla darosłych. Naš vykankam pačaŭ dumać pra heta, heta patrabuje abmierkavańnia i kansultacyj», — cytuje TASS Bacha, jaki adznačyŭ, što rašeńnie ab minimalnym uzroście ŭdziełu ŭ Hulniach pavinny prymać pradstaŭniki fiederacyj.
